Қўшимча функционаллар
-
Тунги кўриниш
Туркманистон президенти самолётлари ҳақидаги маълумотлар яширилди
Фото: Алексей Даничев / РИА Новости
Туркманистон президенти Гурбангули Бердимухамедовнинг самолётлари ҳаракатланиши ҳақидаги ахборот бутун дунё бўйлаб самолётларнинг ҳаракатланишини кузатувчи Flightradar24 онлайн-сервисида бошқа эълон қилинмаяпти. Бу ҳақда “Хроника Туркменистана” нашри маълум қилди.
Таъкидланишича, аввалроқ нашр Flightradar24 ёрдамида Бердимухамедовнинг иккита самолёти – Boeing 737-7GL (борт рақами EZ-A007) ва Boeing 777-22K(LR) (борт рақами EZ-A777) ортидан кузатган.
Туркманистон президентининг самолётлари ҳаракатланиши ҳақидаги ахборот ноябрдан бери янгиланмаган. Flightradar24’да айтилишича, бу самолётлар ҳақидаги маълумотлар блокланган. “Одатда бундай ҳолат самолёт эгаси аризаси бўйича юз беради”, деб айтилган сервисда.
Нашрнинг эслатишича, 2018 йилда президент самолётлари Германияга бир қатор эълон қилинмаган парвозларни амалга оширган. Мисол учун, президентнинг Boeing 737-7GL самолёти июнда Германияга уч марта қўнган – 10, 14 ва 26 июлда. Самолёт октябрда Германияга яна икки марта қўнган. Бироқ Бердимухамедовнинг ёки Туркманистон делегациясининг Германияга сафарлари ҳақида расмий ахборот берилмаган, деб қўшимча қилган нашр.
Мавзуга оид
21:10 / 10.11.2024
Тошкентдан Жиддага учган самолёт ортга қайтишга мажбур бўлди
12:02 / 02.11.2024
Мюнхендан Шанхайга учаётган самолёт Тошкентга фавқулодда қўнди
11:56 / 02.11.2024
Авиация тарихидаги ғалати ҳалокат: учувчи нега самолётни тоғга олиб бориб урганди?
16:23 / 28.10.2024