Хитой АҚШга протест билдирди

Фото: CC BY-SA 2.0 / U.S. Navy

Хитой томони Американинг McCampbell эсминеци Жануби-Хитой денгизидаги баҳсли ороллар ёнидан ўтгани муносабати билан АҚШ раҳбариятига протест билдирди. Бу ҳақда РИА «Новости» хабар қилмоқда.

«Биз шу муносабат билан Америка томонига тақдимнома киритдик», - дея айтиб ўтди ХХР ТИВ расмий вакили Лу Кан.

Унинг сўзларига кўра, Хитой Вашингтонни бундан кейинги провокацион ҳаракатлардан тийилишга чақиради.

Аввалроқ, АҚШ ҳарбий-денгиз кучларининг эсминеци Жануби-Хитой денгизидаги баҳсли ороллар ёнидан ўтгани ҳақида маълумотлар тарқалганди.

Эслатиб ўтамиз, бундан аввал АҚШ десант кемасининг Қора денгизга кириши видеога олинганди.