Бир кунда 5 та олтин. Ўзбекистон Осиё ўйинларида кучли бешликка кириб олди

Бронза

• Арина Танатмишева ва Екатерина Шубина (K2 500 метр)

Шунингдек, ўқ отиш, спорт гимнастикаси, енгил атлетика ва қиличбозлик бўйича олтин ва кумуш медаллар қўлга киритилди.

Спорт гимнастикаси

Спорт гимнастикаси бўйича Ўзбекистон жамоаси аъзоси Ўткирбек Жўраев ҳам делегацияга навбатдаги олтин медални тақдим қилди. Дастакли от машқида иштирок этган ушбу спортчи 14.733 балл билан энг яхши натижани қайд этди. Ўз навбатида, Равшан Комилжонов сўнгги поғонани эгаллади.

Таяниб сакраш бўйича мусобақада қатнашган 51 ёшли Оксана Чусовитина учун эса бу сафарги турнир муваффақиятсиз якунланди. У финалда саккиз спортчи орасида бешинчи натижани қайд этди.

Ўқ отиш

Пневматик тўппончадан 10 метрдан отиш дастурида қатнашган Владимир Свечников Осиё ўйинлари олтин медалини қўлга киритди. У 244,3 очко билан Осиё ўйинлари рекордини ҳам янгилаган.

Миллий олимпия қўмитаси қайд этишича, бу – ўқ отиш спорти турларида Осиё ўйинларида 32 йиллик танаффусдан кейин қўлга киритилган олтин медал бўлди.

Содиқжон Абдуллаев ва Муҳаммад Камалов эса саралаш баҳсларидан финалга чиқа олмаган. Улар мос равишда 18 ва 30-ўринларни банд этишган.

Енгил атлетика

Енгил атлетика бўйича Ўзбекистон жамоаси шарафини ҳимоя қилган Шарифа Давронова иккинчи бор Осиё ўйинлари чемпионлигини қўлга киритди. Уч ҳатлаб сакраш дастурида қатнашган 19 ёшли спортчи 14.35 метр натижа билан олтин медалга эга чиқди.

Еттикураш баҳсларида қатнашган Ўғилой Норбоева, 100 метр масофага югуришда аёллар ўртасидаги баҳсларда Лайло Аллаберганова, эркаклар ўртасидаги баҳсларда Султон Ғофуржонов, диск улоқтиришда Азизбек Нуруллаев медаллардан қуруқ қолишган.

Қиличбозлик

Қиличбозлик баҳсларида эса драматик ҳолат кузатилди: чоракфиналда Ўзбекистоннинг икки вакили, 2023 йилги Осиё ўйинларида сабля бўйича жамоавий мусобақада биргаликда чемпион бўлган Зайнаб Дайибекова ва Гулистан Пердебаева тўқнаш келди. Шиддатли кечган қарама-қаршиликда Дайибекова кичик устунлик билан ғолиб чиқиб (15:14), юришини давом эттирди ва финалгача етиб борди. Аммо олтин учун баҳсда икки карра жаҳон чемпиони, япониялик Мисаки Эмурага кичик фарқ билан (14:15) ютқазиб, кумуш билан кифояланди.

Шу тариқа, кун давомида жами 16 та медал (5 та олтин, 8 та кумуш ва 3 та бронза) қўлга киритилди, жамоа умумий рейтингда 14-ўриндан 5-ўрингача юқорилади.