Ўзбекистондан пахта экспорти кескин қисқарди

2018 йил якунлари бўйича пахта толасининг умумий экспорт ҳажмидаги улуши (1,6%) ўтган йилнинг шу даврига нисбатан сезиларли даражада камайди.

Давлат статистика қўмитаси маълумотларига кўра, ушбу даврда 222,1 млн долларлик 115,6 минг тонна пахта толаси экспорт қилинди.

Экспорт умумий ҳажмидаги пахта толаси улушига нисбатан тенденция таҳлили шуни кўрсатдики, 2015 йилда пахта толаси экспорти улуши унинг умумий ҳажмидан 5,9%ни ташкил этган. Шу билан бирга, 503,8 минг тонна хомашё экспортга чиқарилган.

2016 йилда 416 минг тонна пахта толаси экспорт қилинди.

2017 йил якунлари бўйича экспорт умумий ҳажмида пахтанинг улуши 3,8%гача камайди - 278,9 минг тонна хомашё экспорт қилинди. 

Эслатиб ўтамиз, аввалроқ Ўзбекистон 2,9 млрд долларлик олтин экспорт қилгани хабар берилганди.