Мадуро Европа давлатларини сайлов ҳақидаги ультиматумдан воз кечишга чақирди

Фото: EPA-EFE/Cristian Hernandez

Европа давлатлари Венесуэлада саккиз кун ичида сайлов ўтказиш тўғрисидаги ультиматумдан воз кечишлари керак.

Бу ҳақда Венесуэла президенти Николас Мадуро Туркиянинг CNN Turk телеканалига берган интервьюсида айтди.

"Европа Венесуэлага нисбатан яна хатога йўл қўймоқда. Улар 200 йиллик эркинлигимизга қарамасдан, тарихимизни инкор этишмоқда. Озодлигимиздан фахрланамиз, томирларимизда бизни озод этганлар қони оқади. Улар ўз ультиматумларидан воз кечишлари керак, бизга ҳеч ким ультиматум қўя олмайди", деди Мадуро.

Аввалроқ Европа дипломатияси раҳбари Федерика Могеринининг баёнотида агарда яқин кунлар ичида Венесуэлада президент сайлови бўлиб ўтиши ҳақида эълон қилинмаса, Европа иттифоқи миллий ассамблея раиси Хуан Гуайдони мамлакатнинг вақтинчалик президенти сифатида тан олиши маълум қилинганди.

Тайёрлаган Дилшод Аскаров

#Венесуэла #Николас Мадуро #ультиматум

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди