Тошкентда сайёҳларга қулайлик учун илк йўл кўрсатувчи пилон ўрнатилди

Фото: Тошкент шаҳар туризмни ривожлантириш департаменти

Тошкент шаҳрида маҳаллий ва хорижий сайёҳларга қулайлик яратиш мақсадида илк йўл кўрсатувчи пилон ўрнатилди. Kun.uz мухбири Тошкент шаҳар туризмни ривожлантириш департаменти вакилларидан олинган маълумотга асосланиб, шу ҳақида хабар берди.

Сайёҳлар ўз манзилларига тез ва осон етиб бориши учун қулай шароитларни яратиш мақсадида Тошкент шаҳар туризмни ривожлантириш департаменти “Медиа люкс” хусусий корхонаси реклама агентлиги билан ҳамкорликда “Ўзбекистон” меҳмонхонаси яқинига замонавий йўл кўрсатувчи пилонни тажриба тариқасида жойлади.

Пилонда сайёҳлар учун пойтахт харитаси акс этган бўлиб, унда шаҳардаги барча диққатга сазовор жойлар ҳамда туризм инфратузилмалари белгилаб қўйилган.

Бундай пилонлар дунёнинг барча ривожланган мамлакатларининг туристик шаҳарларида ўрнатилган.

#Тошкент #туризм #пилон