«Барселона» Коутиньони сотишга тайёр

Фото: AFP/Getty Images

«Барселона» яримҳимоячиси Филиппе Коутиньо клубни тарк этиши мумкин.

Marca хабарига кўра, каталонияликлар раҳбарияти 26 ёшли футболчининг ўйини яхшиланмаса, унинг трансфери бўйича тушган таклифларни ўрганиб чиқишга тайёр.

Коутиньо 2018 йили «Ливерпуль»дан «Барселона»га 160 миллион евро эвазига ўтган эди.

Жорий мавсумда у Примерада 20та ўйин ўтказиб, 4та гол урган ва 2та голга ҳаммуаллифлик қилган. Transfermarkt маълумотига кўра, футболчининг трансфер қиймати 140 миллион еврога тенг.