13-15 февраль куни Истанбулда 47 та футбол федерацияси президенти ва раҳбарлари иштирокидаги ФИФА саммити бўлиб ўтди. ФИФА президенти Жанни Инфантино саммит якунлари бўйича матбуот анжуманида ЖЧ-2022да иштирокчи жамоалар сонини 32тадан 48тага ошириш масаласига тўхталиб ўтди.
«Бу масалага оптимистик қараяпман. Бу осон кечиши мумкинми? Очиғини айтаман, осонликча ҳал бўлмайди», – деган Инфантинодан иқтибос келтирмоқда L’Equipe.
Қатар турнирни 32 жамоа иштирокида ўтказишга тайёрланмоқда. Агар қатнашчилар сони оширилса, у ҳолда ЖЧни минтақанинг бошқа давлатларида ҳам ўтказиш зарурати пайдо бўлади.
Эслатиб ўтамиз, 48 терма жамоа иштирокидаги илк мундиал 2026 йилда АҚШ, Канада ва Мексикада бўлиб ўтиши тасдиқланган эди.