Бангладешдаги ёнғинда 69 киши ҳалок бўлди

Бангладеш пойтахти Даққадаги ёнғинда 69 киши ҳаётдан кўз юмди, 50 га яқин киши шифохонага етказилган. Аввалроқ 41 киши ҳалок бўлгани маълум қилингади. Бу ҳақда Channel News Asia нашри маълум қилди.

Ёнғин аҳоли яшайдиган 4 қаватли уйда юз берган. Уйнинг бир қисми кимё омбори сифатида ҳам қўлланган. Дастлабки маълумотларга кўра, ёнғинга газ баллони сабаб бўлган бўлиши мумкин. 

Бангладеш ўт ўчириш хизмати бошлиғи Али Аҳмаднинг таъкидлашича, қурбонлар сони ошиши мумкин. 

bdnews24 портали маълумотларига кўра, ёнғин маҳаллий вақт билан 20 февраль соат 22:30да бошланган, сўнгра яна 4 та иншоотга тарқалган.