Aurus автомобиллар қаторида вертолёт пайдо бўлади

Aurus премиал автомобиллар қаторида вертолёт пайдо бўлади. Вертолёт “Aurus-Ансат” деб ном олган. Ҳозирда унинг базавий версияси “Ансат”ни ишлаб чиқариш билан Қозон  вертолёт заводи шуғулланади.

Ушбу вертолёт ишлаб чиқарилиши 2013 йилда бошланган. У ҳар бири 360 от кучига эга иккита Pratt & Whitney PW-207K авиация мотори билан жиҳозланган.

Вертолёт тўлиқ бакда 510 км йўл учиб ўта олади, унинг тезлиги 275 км/соатни ташкил қилади.  

Вертолётнинг Россия раҳбариятига мўлжалланган люкс версияси Aurus седани ва лимузинини ишлаб чиқариш билан шуғулланаётган НАМИ институти ва “Вертолеты России” давлат корпорацияси билан ҳамкорликда яратилади. 

“Aurus-Ансат” ичи Aurus автомобиллари дизайнига монанд ишланади. Бу унинг салонида қимматбаҳо материаллар ва бошқа ҳашаматлик элементлари бўлишини назарда тутади.

Вертолётнинг илк намунаси жорий ёзда МАКС-2019 авиашоусида намойиш қилиниши кутилмоқда. Унинг тахминий нархи 10 млн рублни ташкил қилади.