Истанбулда Эрдўған партиясини 1,6 млн киши қўллаб-қувватлади (видео)

Фото: Daily Sabah

24 март куни Туркия президенти Ражаб Тоййиб Эрдўған етакчилик қиладиган Адолат ва ривожланиш партиясини қўллаб-қувватлагани ташвиқот митингида 1,6 млн киши иштирок этди. Бу ҳақда Daily Sabah нашри хабар берди.

Thousands waiting for President Erdogan in Istanbul at the joint rally with the MHP leader Devlet Bahçeli for Turkey’s March 31 municipal elections

pic.twitter.com/7MzkCUrkMO
— Mehmet Çelik (@celik) March 24, 2019

Эрдўған намойишчиларга юзланиб, Истанбулда Тузла технологик водийси очилишини эълон қилган. Унинг таъкидлашича, бу водий 20 мингта янги иш ўрни яратишга имкон беради. Лойиҳа қиймати 1 млрд долларни ташкил қилади. Эрдўғаннинг таъкидлашича, водийда вакцина, контакт линза ва кимётерапия учун дори воситалари каби турли-туман маҳсулотлар ишлаб чиқарилади.

Туркия президенти, шунингдек, Истанбулда имконияти чекланган 200 минг киши даволаниши мумкин бўладиган 17 та реабилитация маркази очишга ваъда берган.

Туркияда 31 март куни маҳаллий сайловлар бўлиб ўтади. Унда Туркия фуқаролари 20 мингдан кўпроқ мансабдор шахслар, жумладан шаҳар ва туман кенгашлари мэрларини сайлашади.