Ҳукумат фармойиши: 30, 31 март кунлари банк, молия ва солиқ идораларининг айрим ходимлари ишлайди

30, 31 март кунлари банк, молия ва солиқ идораларининг айрим ходимлари ишлайди, деб хабар бермоқда Адлия вазирлиги телеграм канали.

Қайд этилишича, ҳукуматнинг 2019 йил 29 мартдаги фармойишига мувофиқ банк тизими, молия ҳамда солиқ идораларининг айрим ходимларини қонунчиликда белгиланган тартибда 2019 йил 30-31 март – шанба, якшанба кунлари ишга жалб қилишга рухсат берилди. 

Бу 2019 йилнинг 1-чорак прогноз кўрсаткичлари бажарилишини таъминлаш, Ўзбекистон Республикаси Давлат бюджети ва давлат мақсадли жамғармаларига тўловлар бўйича ҳисоб-китобларни муваффақиятли амалга ошириш мақсадида қилинмоқда.