Сингапурнинг Singapore Airlines авиакомпанияси TripAdvisor агрегатори томонидан фойдаланувчилар баҳоси асосида жорий йил учун тузилган дунёнинг энг яхши авиакомпаниялари рейтингига етакчилик қилмоқда.
Рейтингнинг 2- ва 3-ўринларини Қатарнинг Qatar Airways ва Тайваннинг EVA Air авиакомпаниялари эгаллаган. Шунингдек, етакчи бешталикдан Emirates авиакомпанияси ва Япониянинг Japan Airlines авиакомпаниялари жой олган.
Шунингдек, етакчи ўнталикка АҚШнинг Southwest Airlines, Бразилиянинг Azul, Янги Зеландиянинг Air New Zealand, Британия лоукостери Jet2.com ва Япониянинг All Nippon Airways (ANA) компаниялари киритилган.
Бундан ташқари, йўловчилар Emirates’ни биринчи синфдаги энг яхши салон, Qatar Airways’ни бизнес синфдаги энг яхши салон, Air New Zealand ва Singapore Airlines’ни мос равишда премиум-эконом ва эконом синфлардаги энг яхши салонлар учун қайд қилиб ўтишган.
