ИИВ: ёмғир оқибатлари бартараф этилди

Фото: KUN.UZ

2019 йил 5 апрель куни республиканинг баъзи вилоятлари ҳудудида кучли ёмғир ёғиши кузатилди.

Ушбу ҳолат Самарқанд, Жиззах, Навоий, Қашқадарё, Сурхондарё вилоятларининг айрим ҳудудларида ариқларга шох-шаббалар йиғилиб қолиши натижасида ариқлардаги сувлар тошиб, йўлларга чиққан ва бир қатор маҳаллалардаги хонадонлар ичига кирган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, мазкур ҳолат юзасидан тезлик билан ишчи гуруҳ тузилиб, ушбу вазият бартараф этилган.

Ҳолат юзасидан жабрланганлар йўқ, дейилади хабарда.

Бундан олдин, Хатирчида кучли сел кузатилгани хабар берилганди.

#ИИВ #ёмғир