Туркия президенти Ражаб Тоййиб Эрдўғаннинг маълум қилишича, Туркияга Россиянинг С-400 зенит ракета комплексларини етказиб бериш жорий йил июль ойида эмас, балки ундан ҳам аввал бошланиши мумкин. Бу ҳақда у Sabah газетасига берган интервьюсида айтди.
Шунингдек, унинг таъкидлашича, С-400’ни сотиб олиш масаласи АҚШ ва НАТО эътирозларига қарамай ҳал қилиб бўлинган.
Эрдўған қўшимча қилишича, АҚШнинг Россияга тегишли зенит ракета комплекслари сотиб олиниши масаласи бўйича кескин позициясига қарамасдан, турк учувчилари ҳозирда Америка томони Туркияга етказиб берган тўртта F-35 қирувчи самолётида парвоз қилишга ўрганишни давом эттирмоқда.
Бундан олдин, АҚШ С-400 туфайли Туркияга «жиддий оқибатлар» билан таҳдид қилганди.
