Афғонистон қуролли кучлари қўшинлари Фараҳ вилоятида ўтказилган операция чоғида 100 тоннадан ортиқ афюнни йўқ қилди. Бу ҳақда Khaama Press агентлиги хабар берди.
"Афғонистон миллий армияси махсус қўшинлари коалиция қўшинлари билан Фараҳ вилоятининг Баква туманида ўтказган ҳамкорликдаги операция давомида 100 минг килограммдан ортиқ афюнни аниқлади ва йўқ қилди", - дея иқтибос келтиради агентлик ўз манбасига таяниб.
Шунингдек қайд этилишича, “Толибон” ҳаракати аъзолари афюнни "тайёрлаш, сақлаш, тарқатиш, сотиш ва контрабанда" қилишга алоқадор.
АҚШ ва унинг иттифоқчилари Афғонистонда 2001 йилдан буён толиблар ва бошқа гуруҳларга қарши операция ўтказмоқда.
