Австралиянинг Ғарбий Австралия штатида олтин изловчи қиймати 100 минг доллар турувчи олтин ёмби топиб олди, деб ёзади West Australian газетаси.
Газетанинг ёзишича, у шўр кўллар атрофида металлодетектор ёрдамида оғирлиги 1,4 килограммли олтин ёмби топиб олган. У ёмбини Finders Keepers Gold Prospecting магазинига олиб келган.
Магазин эгасининг айтишича, бундай ёмби 100 минг долларга баҳоланади. Унинг қўшимча қилишича, бунга ўхшаш ёмбилар одатда оғир техника ёрдамида топилади.
