Тошкент шаҳар ҳокимлиги кўчалардан бирида ювилиб кетган йўл чизиғи бўйича маълумот берди

Ижтимоий тармоқларда Тошкент шаҳридаги кўчалардан бирида йўл чизиғи ювилиб кетгани бўйича маълумот тарқалди. Пойтахт ҳокимлиги бунга аниқлик киритди.

“Биздаги суратда янги йўл чизиғига ҳеч қандай зарар етмаган. Чунки унда сувга чидамли бўлган бўёқлардан фойдаланилган. Ёғингарчилик натижасида шина ва асфальт ишқаланиши натижасида кўпик ҳосил бўлган. Кўпчилик эса ушбу кўпикларни гўё бўёқ оқиб кетяпти, деб ўйлагансиз”, - дейилади ҳокимлик хабарида.

Тошкент шаҳар маъмурияти фойдаланувчиларга ғамхўрлиги учун миннатдорчилик билдирган. Бироқ, хулоса чиқаришдан аввал ҳар қандай маълумотни текшириб кўришни сўраган.