Москва 2018 йил ноябрда қўлга олинган украин денгизчиларини 21 июлга қадар Киевга топшириши эҳтимоли мавжуд, деди Украинанинг собиқ президенти Пётр Порошенко ICTV эфири орқали.
У денгиз ҳуқуқи бўйича БМТ халқаро трибунали Россияга Керчь бўғозида қўлга олинган денгизчиларни озод қилиш ва кемаларни Украинага қайтариш мажбуриятини юклаганини эслатди. Унинг сўзларига кўра, Россия президенти Владимир Путин бу қарорни бажармаслик қандай оқибатларга олиб келишини тушунади.
«Шунинг учун йигитларимиз 21 июлгача уйда бўлишлари эҳтимоли 90%», — деди Порошенко.
2018 йил ноябрда Россия чегарачилари Керчь бўғозида украин денгизчилари ва Украина ҲДКга қарашли учта кемани ушлаганди. Улар давлат чегарасини бузишда айбланиб ҳибсга олинган.
