Покистон собиқ бош вазири коррупция иши бўйича ҳибсга олинди
Покистон собиқ бош вазири Шаҳид Аббосий коррупцияга қарши курашиш миллий бюроси ходимлари томонидан қўлга олинди, деб хабар берди Doon газетаси.
Хабарда айтилишича, Аббосий бугун коррупция иши бўйича судда сўроқ қилиниши керак эди. У судга келмагани сабабли Покистон коррупцияга қарши кураш суди Аббосийни судга олиб келиш учун ҳибсга олиш тўғрисида ордер берди.
"Шаҳид Аббосий барча тергов ҳаракатлари якунланиши учун қанча вақт лозим бўлса, шунча вақт ҳибсда сақланиши бўйича қарор қабул қилиниши учун судга топширилади", - дейилади ордерда.
Покистон собиқ бош вазири 2013 йилда давлат харидлари тўғрисидаги қонунни четлаб ўтиб суюлтирилган газни импорт қилиш бўйича шартнома тузишда гумонланмоқда. Аббосий ўша вақтда нефть ва табиий ресурслар вазири бўлган. У шунингдек, 2017 йил августдан 2018 йил июнгача Покистон бош вазири лавозимини эгаллаган.
Мавзуга оид
21:12 / 22.09.2024
Покистонда Россия элчиси кортежидаги автомобил мина билан портлатилди
12:50 / 21.09.2024
Покистон Ўзбекистон иштирокидаги халқаро транспорт йўлагини ташкил этиш бўйича меморандумни имзолади
19:53 / 10.09.2024
Коррупцияга қўл урган 566 нафар шахс давлат ишига қайтадан кириб, яна коррупцияга қўл урган
14:10 / 10.09.2024