Афғонистонда ҳарбий операция давомида 50дан ортиқ толиблар йўқ қилинди

Афғонистон куч ишлатиш тизимлари Боғлон вилоятидаги операция давомида “Толибон” ҳаракатининг 50дан ортиқ жангарисини йўқ қилди. Бу ҳақда Khaama Press агентлиги хабар берди.

"Шахин" ҳарбий корпуси маълумотига кўра, операция чоғида 52 жангари ўлдирилган, яна 33 нафари яраланган.

Ҳукумат кучлари шунингдек, қурол ва ўқ-дориларни мусодара қилган.

Аввалроқ Афғонистоннинг тинчлик масалалари бўйича вазири Абдул Салом Раҳимий яқин икки ҳафта ичида "Толибон" ҳаракати аъзолари билан тўғридан-тўғри музокаралар бошланишини маълум қилганди.