Макрон G7 етакчиларига океанлардан йиғиб олинган пластиклардан тайёрланган соатлар совға қилди

Фото: Ludovic MARIN / AFP

G7 саммитининг иқлим бўйича сессиясига таклиф этилган давлатлар ва халқаро ташкилотлар раҳбарларига Франция президенти Эммануэл Макроннинг ўзига хос совғаси - океанлардан йиғиб олинган пластиклардан тайёрланган соатлар тақдим қилинди. Бу ҳақда Франциянинг BFMTV телеканали хабар берди.

"Катта еттилик" саммити Франциянинг Биарриц шаҳрида бўлиб ўтмоқда. Саммитнинг асосий мавзуларидан бири иқлим мавзуси бўлади.

"G7 саммитининг иқлим бўйича сессиясига таклиф этилган давлатлар ва халқаро ташкилотлар раҳбарлари Франция президентининг совғасини олишди. Совға ўзига хос: океанлардан йиғиб олинган пластиклардан тайёрланган соат", - дея қайд этади телеканал.

Илгари G8 шаклида бўлган мазкур гуруҳга ҳозирда Франция, Буюк Британия, АҚШ, Германия, Япония, Италия ва Канада киради. Россия гуруҳдан 2014 йилда чиқариб юборилган.

Тайёрлаган: Дилшод Аскаров

#G7 #Эммануэл Макрон