Тўрақўрғонда «Исоқхон Ибрат метангаз»га қарашли АГТКШда Hyundai porter ёниб кетди

2019 йилнинг 12 сентябрь куни соат 07:43да Наманган вилояти Тўрақўрғон тумани Чусткўприк МФЙда жойлашган “Исоқхон Ибрат метангаз” МЧЖга қарашли автомобилларга газ тўлдириш компрессор шохобчаси ҳудудида Hyundai porter русумли юк автомобилида ёнғин бўлаётганлиги ҳақида ёнғин-қутқарув хизматига хабар келиб тушган.

Ўзбекистон Республикаси ФВВ ЁХББ ОАВ билан ҳамкорлик қилиш бўлинмаси маълумотида айтилишича, ёнғинни бартараф этишга 2 та ёнғин ўчириш бўлинмалари жалб этилган. Бўлинмалар воқеа жойига соат 07:51 да етиб борган ва ёнғин соат 07:53 да қуршаб олиниб, соат 08:00 да тўлиқ бартараф этилган.

Тан жароҳати олганлар ва ҳалок бўлганлар йўқ. Ҳодиса оқибатида Hyundai porter русумли юк автомобилининг салон қисми ва шиналари ёниб зарарланган. Ёнғиннинг тахминий сабаби - автомобилга сиқилган газни тўлдиргандан сўнг газ шланги узилмасдан автомобилнинг ҳаракатланиб кетиши. Моддий зарар миқдори аниқланмоқда.