Саудия Арабистони ракеталар учирилган жойни билгач нефть объектларига ҳужумга жавоб қайтаради 

Саудия Арабистони ташқи ишлар вазири Одил ал-Жубайр Саудия Арабистонидаги нефть объектларига ракеталар қаердан учирилгани ҳақида ҳозирча аниқ маълумотлар йўқлигини айтди. Бироқ подшоҳликда ҳужумни Эрон амалга оширгани таъкидланмоқда.    
 
“Қўлланган қуроллар Эронники бўлгани сабабли, Эрон ушбу ҳужум учун жавобгардир”, деб айтган ал-Жубайр.

Унинг таъкидлашича, ҳужум жанубдан эмас, балки шимолдан амалга оширилган.

Саудия Арабистони вазирининг таъкидлашича, ҳозирда ракеталар аниқ қаердан учирилгани аниқлаштирилмоқда. Шундан кейин Ар-Риёд ҳужум учун жавобгар давлатни маълум қилади. Ал-Жубайрнинг айтишича, барча жавоб чоралари тергов тугагач амалга оширилади.