Тошкентда Ўзбекистон ва ЕИ ўртасида музокаралар бўлиб ўтмоқда

2019 йилнинг 23-28 сентябрь кунлари Тошкент шаҳрида Ўзбекистон ва Европа иттифоқи ўртасида Шерикчилик ва ҳамкорликни кенгайтириш тўғрисидаги битим (ШҲКБ) лойиҳаси бўйича музокараларнинг 3-раунди бўлиб ўтмоқда.

Ташқи ишлар вазирлиги хабарига кўра, шунингдек, Иқтисодиёт, савдо ва инвестициялар бўйича «Ўзбекистон – ЕИ» кичик қўмитасининг 14-йиғилиши ўтказилмоқда.

Делегацияларга Ўзбекистон Республикаси ташқи ишлар вазири ўринбосари Дилшод Ахатов ва Европа ташқи фаолият хизмати бошқарув директори ўринбосари Люк Девин бошчилик қилмоқда.