«Пахтакор» футбол клуби 2015 йилдан буён илк бор яна Суперлига чемпионлигини қўлга киритди. Турнир «Coca-Cola Ichimligi Uzbekiston, Ltd.» кўмагида ўтказилди ва муддатидан аввал чемпион номи аниқланди. Пойтахтда чемпионни тақдирлаш ва жамоа футболчиларига кубокни топшириш маросими тантанали тарзда бўлиб ўтди.
Бу йилги футбол баҳслари ҳали мавсум бошланмасдан, Ўзбекистон Профессионал Футбол Лигаси янги мавсум титул ҳомийси ким бўлиши ҳақида қарор қабул қилаётганда бошланди дейиш мумкин.
Coca-Cola’нинг катта масштабдаги кўмаги билан бу йилги чемпионат учрашувлари ва чемпион номи учун кураш ҳақиқий спортча атмосфера ва ёрқин курашлар остида кечди.
Чемпионатнинг 20-турида «Пахтакор» сафарда «Металлург»ни 2:1 ҳисобида мағлуб этди ва очколари сонини 56тага етказиб, муддатидан олдин чемпионга айланди. Тошкентнинг «Локомотив» клуби 37 очко ҳисоби билан иккинчи ўринда бораётган бўлса, кучли учликни 34 очкога эга «Бунёдкор» клуби тўлдирди.
«Пахтакор» футбол клуби бош мураббийи Шота Арвеладзе учун «Пахтакор» томонидан қўлга киритилган чемпионлик Ўзбекистондаги фаолияти давомидаги илк совриндир. Ўтган мавсумда жамоа иккинчи ўринни қўлга киритган, кубок финалида мағлуб бўлган эди. Ушбу мавсумда эса клуб «Олтин дубль»ни қўлга киритиш учун барча имкониятга эга.
«Пахтакор» футбол клуби 2015 йилдан буён илк бор яна Ўзбекистон чемпиони деган номга эришди. Ушбу ғалаба мураббийлар штаби, ҳамда футболчиларнинг иноқ ва дўстона муносабатлари, жамоанинг ажойиб ва тинимсиз меҳнати маҳсулидир. «Ушбу ғалаба билан клубнинг барча аъзолари ва мухлисларини табриклайман», - дейди ўз табрикномасида ФИФА Президенти.
Профессионал Футбол Лигаси ўз навбатида, Coca-Cola халқаро бренди кўмаги туфайли лига баҳслари савияси анча юқорилаганини таъкидлади. Ушбу ҳамкорлик, кейинги ғалабалар ва жаҳон миқёсида ҳам ютуқларга эришиш ҳамда Ўзбекистонда профессионал футболни ривожлантириш учун катта туртки дейиш мумкин.
Эслатиб ўтамиз, Coca-Cola шунингдек, мамлакат футболидаги иккинчи катта турнир – Ўзбекистон кубоги баҳсларининг ҳам титул ҳомийсидир. Ушбу турнир ғолиби эса, яқин кунларда бўлиб ўтадиган финал баҳсида аниқланади.
Реклама ҳуқуқи асосида
