Канададаги сайловларда бош вазир партияси ғалаба қозонди 

Канадада парламент сайловларининг дастлабки натижаларига кўра, бош вазир Жастин Трюдо бошчилик қиладиган Либерал партия ғолиб бўлмоқда ва озчилик ҳукуматини шакллантириши мумкин бўлади. 

Охирги маълумотларга кўра, либераллар 338 та округдан 144 тасида ғалаба қозонди. Уларнинг Консерватив партиядан асосий рақобатчилари 107 та округда ғолиб бўлган. Айни вақтда 306 та округдан маълумотлар олинган.  

Канадада ҳаммаси бўлиб парламент қуйи палатасидаги ўринлар сони бўйича 338 та сайлов округи мавжуд. Кўпчилик ҳукуматини шакллантириш учун ғолиб партия камида 170 та округда ғалаба қозониши керак.