АҚШ Полшада Америка армияси доимий базасини жойлаштиришга тайёрланмоқда. Бу ҳақда АҚШ президенти Доналд Трамп ўзининг Truth Social саҳифасида маълум қилди.
«Ажойиб янгилик! Дўстим, Полша президенти Карол Навроцкининг қатъий раҳбарлиги туфайли Полшада АҚШ армияси базасини жойлаштиришда сезиларли ютуқларга эришилди», - деб ёзди у.
Трампнинг таъкидлашича, база жойлашадиган жой, катта эҳтимол билан, яқин вақт ичида эълон қилинади.
«Бу бизнинг буюк Америка-Полша иттифоқимиз учун тарихий қадам бўлади. Бу масалага эътиборингиз учун ташаккур», - деб қўшимча қилди АҚШ президенти.
Полшада Америка ҳарбийларининг мавжудлиги янгилик эмас — ҳозир у ерда 10 мингга яқин АҚШ ҳарбий хизматчиси бор.
Бироқ, бу контингентнинг катта қисми Atlantic Resolve операцияси доирасида ротация шаклида ишлайди — қисмлар Полшада доимий жойлашмаган, балки мунтазам равишда алмаштириб турилади.
Доимий база ғояси биринчи йил муҳокама қилинаётгани йўқ — 2018 йилда Варшава ўзида «Форт-Трамп» деб аталувчи базани жойлаштиришни таклиф қилган эди, аммо иш декларациялар ва қўшма машғулотлардан нарига ўтмаган.
