«Сурхон» Термизда Жиззахнинг «Сўғдиёна» жамоасини қабул қилди ва кичик ҳисобда ғалаба қозонди.
Учрашувдаги ягона гол 63-дақиқада Дарко Станоевич томонидан урилди. У узоқ масофадан жарима зарбасини ижро этиб, тўпни дарвозага жойлаштириб қўйди.
Бу натижадан кейин «Сурхон» очколари сонини 35тага етказди ва турнир жадвалида 5-ўринда бормоқда. «Сўғдиёна» эса 38 очко билан 4-ўринни эгаллаган.
Амалдаги чемпион «Локомотив» «Андижон» меҳмони бўлди ва йирик ҳисобдаги ғалабага эришди. «Темирйўлчилар» сафида Жамшид Искандаров (40), Остон Ўрунов (68) ва Сардор Мирзаев (70) биттадан гол уришди, яна бир гол мезбонлар ҳимоячиси Илдар Маматказин (88) номига автогол сифатида ёзилди.
Бу натижадан кейин «Локомотив» очколари сонини 45тага етказди ва иккинчи ўринни мустаҳкамлади. «Андижон» эса 24 очко тўплаб 11-поғонани банд қилиб турибди.
24-тур доирасидаги сўнгги ўйинда Вадим Абрамов бошчилигидаги «Бунёдкор» жамоаси «Навбаҳор»ни қийинчилик билан мағлуб этди.
Ҳисобни 9-дақиқада Нурилло Тўхтасинов очган бўлса, 34-дақиқада Азизбек Турғунбоев жарима зарбасини аниқ ижро этиш орқали мувозанатни тиклади.
Ўйиннинг кульминацион воқеаси 67-дақиқада кузатилди. Игорь Голбан ўз жарима майдонида рақибига нисбатан қўполлик ишлатди дея, ҳисоблаган бош ҳакам пенальти белгилади. Хуршид Ғиёсов бундан унумли фойдаланди – 2:1.
Ушбу ғалабадан кейин очколари сонини 39тага етказган «Бунёдкор» турнир жадвалида 3-ўринга кўтарилди. «Навбаҳор» эса (31 очко) 8-ўринга тушди.
Суперлига. 24-тур. 24 ноябрь (якшанба)
«Сурхон» – «Cўғдиёна» - 1:0
Гол: Дарко Станоевич 62.
«Сурхон» Асилбек Амонов, Абдуқаҳҳор Хожиакбаров, Раҳматулло Бердимуродов, Шавкат Саломов, Абдулазиз Юспов (Шохназар Норбеков, 71), Аброр Исмоилов, Владимир Бубанья, Ҳусниддин Ғофуров, Аъзам Алиев, Дарко Станоевич, Асрор Ғофуров.
