Москва - Тошкент самолёти бортида Ўзбекистон фуқароси вафот этди
Бугун Москва-Тошкент самолётининг «Внуково» аэропортига қайтишига сабабчи бўлган йўловчи ҳаётдан кўз юмди. Бу ҳақда «МК»га ҳуқуқ-тартибот идораларидаги манба хабар қилди.
Kun.uz таҳририятининг миллий авиакомпаниядан ушбу ҳолат юзасидан расмий изоҳ олишга бўлган уриниши беҳуда кетди.
«Тунги соат 1ларда «Внуково»дан Ўзбекистон пойтахтига парвоз қилган 602-рейс йўналишини ўзгартириши ва самолёт ортга қайтиши ҳақида хабар келиб тушди. Йўловчилардан бири, 50 ёшли Ўзбекистон фуқароси ўзини ёмон ҳис қилган. Соат 1:10да самолёт қўнди, аммо шифокорлар эркак йўловчининг ҳаётини сақлаб қола олишмаган», - дейилади хабарда.
Аввалроқ, Uzbekistan Airways’нинг Телеграмдаги каналида ушбу рейс кечиктирилгани ҳақида хабар берилган эди:
«Маълум қиламизки, Uzbekistan Airways’нинг HY-602 (Москва - Тошкент) қатнови командири, йўловчилардан бирининг саломатлиги ёмонлашгани сабабли, Внуково аэропортига қайтишга қарор қилди. Самолёт соат 01:10да қўнди, йўловчига тиббий ёрдам кўрсатилмоқда. Йўналиш бўйича такрорий парвоз Москва вақти бўйича соат 03:30да режалаштирилди. Тошкентга қўниш - соат 09:00да (маҳаллий вақт бўйича) режалаштирилмоқда».
Мавзуга оид
14:04 / 22.09.2024
Тошкентда катта тезликда ҳаракатланган ҳайдовчи 19 ёшли қизнинг ҳаётига зомин бўлди
20:47 / 21.09.2024
Норвегиядан Испанияга учган самолёт сичқон сабаб авариявий қўнишни амалга оширди
07:30 / 21.09.2024
Тошкентда машинасини сотишни айтиб, ўзганинг пулини ўзлаштирган шахс ушланди
14:28 / 20.09.2024