Трамп Эронга янги қурол қўллаш билан таҳдид қилди

АҚШ президенти Дональд Трамп агарда Теҳрон Америка ҳарбий базаларига ҳужум қиладиган бўлса, Эронга қарши янги қуролни қўллаш билан таҳдид қилди. У бу ҳақда ўзининг Twitter саҳифасида ёзди.

«АҚШ яқинда ҳарбий қурол учун 2 трлн доллар сарфлади... Агар Эрон Америка базасига ёки бирор америкаликка ҳужум қилса, биз мутлақо янги, ажойиб қуролимизнинг бир қисмини  зудлик билан у томонга йўллаймиз.. Ҳеч иккиланмасдан», - деб ёзди АҚШ президенти.

Аввалроқ Трамп агар Теҳрон америкаликларга ёки АҚШ объектларига ҳужум қилса, Эрондаги 52та объектга зарба берилишидан огоҳлантирганди.

АҚШ президенти Эрон 3 январга ўтар кечаси ўлдирилган «Ал-Қудс» махсус бўлинмаси қўмондони генерал Қосим Сулаймоний учун ўч олиш мақсадида АҚШнинг қанчалик кўпроқ объектига зарба бериш масаласи муҳокама қилаётганини таъкидлаб ўтган.