Греция парламенти Екатерина Сакелларопулунинг мамлакат президентлигига сайланишига овоз берди.
Бунга қадар Сакелларопулу олий маъмурий суд раиси лавозимида ишлаб келаётганди. У мамлакат тарихида энг юқори лавозимни эгаллаган илк аёл бўлди.
63 ёшли Сакелларопулунинг номзодини президентликка Греция бош вазири Кириакос Мицотакис илгари сурганди.
Екатерина Сакелларопулу 1956 йилда Салоники шаҳрида туғилган. У 1987 йилда Афина университетининг юридик факультетини тамомлаган, 1989-1990 йилларда Париж университетида конституцион ва маъмурий ҳуқуқ бўйича ўқишни давом эттирган.
