Қўшимча функционаллар
-
Тунги кўриниш
Коронавирус: Хитойдан Ўзбекистонга товарлар импорти учун чеклов қўйилдими?
Ўзбекистонда Хитойдаги коронавирус сабаб бу мамлакатдан товарлар импортига чеклов қўйилгани ҳақида гап-сўзлар тарқалмоқда. Давлат божхона қўмитаси расмийси бу маълумотни рад этди.
11 феврал куни Тошкент вилоятидаги «Ғишткўприк» чегара-божхона постига пресс-тур уюштирилди, деб хабар бермоқда Kun.uz мухбири.
Давлат божхона қўмитаси Божхона назоратини ташкил этиш бошқармаси бошлиғи Рустам Кабуловнинг айтишича, коронавирус туфайли Хитойдан товарлар кириб келиши чекланаётгани ҳақидаги гап-сўзлар асоссиз.
«Ўзбекистон ва Хитой ўртасидаги савдо-сотиқда ҳеч қандай тақиқ ўрнатилгани йўқ. Хитой ҳудудида тарқалган коронавирус сабабли чегарада Соғлиқни сақлаш таркибий тузилмалари ҳар бир фуқарони назорат қиляпти. Импорт-экспорт жараёнида ҳам Хитойдан келадиган товар бўлса, тегишли идоралар бу маҳсулотга сертификат қилиб беради.
Ҳозирда товарлар кириб келяпти. Қурилиш материаллари, халқ истеъмол товарлари тўхтагани йўқ.
Бизнинг Хитой билан умумий чегарамиз йўқ. Фуқаролар Қозоғистон ёки Қирғизистон орқали кириб келиши мумкин. Агар Хитойдан фуқаро кириб келса, албатта СЭС ходимлари уларнинг соғлигини текширишяпти.
Кириб келишни чеклаб бўлмайди. Ҳозирда Қозоғистон-Хитой чегараси вақтинча ёпилиб, фуқаролар ҳаракатига назорат кучайтирилди. Лекин товар оқимига таъсир қилгани йўқ», – деб таъкидлади Кабулов.
Коронавирус
Мавзуга оид
21:34 / 13.06.2026
Андижонда олтинларни турли найранглар орқали олиб киришга уринган шахслар тўхтатиб қолинди
09:50 / 12.06.2026
Ички кийимга яширилган гиёҳвандлик моддаси сақловчи капсулалар аниқланди
21:11 / 30.05.2026
Фарғонада 1 млрд 247 млн сўмлик дори воситаларининг ноқонуний айланмасига чек қўйилди
14:26 / 28.05.2026