Ўзбекистон | 09:58 / 24.02.2020
81293
1 дақиқада ўқилади
Ўзбекистонда ҳаво ҳароратининг пасайиши кутилмоқда
Ўзбекистон ҳудудига нам ва совуқ ҳаво оқими кириб келади, республика бўйича ҳаво ҳароратининг пасайиши кутилмоқда
26-27 февралда Ўзбекистон ҳудудига Волгабўйи районлари (Астрахань) устида шаклланган нам ва совуқ ҳаво оқимлари киради.
«Ўзгидромет» хабарига кўра, 26-27 февралда Ўзбекистон бўйича вақти-вақти билан ёғингарчилик (ёмғир, қор), айрим жойларда ёғинлар кучли бўлади.
Шамолнинг тезлиги кучайиб, секундига 15-20 метргача, шиддат билан эсганда 23-28 метргача етади.
Ҳаво ҳарорати 26 февралда кечаси 7-12 даража илиқ, кундузи 13-18 даража илиқ бўлади, мамлакат шимолида кечаси ва кундузи 3-8 даражани ташкил қилади.
27 февралда республика бўйича ҳаво ҳароратининг кечаси ва кундузи 3-8 даража илиққача пасайиши кутилмоқда.