«Ижро органлари фаолиятини назорат қилишга кенг жамоатчилик жалб қилинади» − Сенат раиси

Ижро органларининг фаолияти устидан назорат олиб бориш жараёнига кенг жамоатчилик вакиллари жалб қилинади

Фото: KUN.UZ

Сенат раиси Танзила Норбоева Сенатнинг иккинчи ялпи мажлисида ижро органлари фаолияти устидан назорат механизмини ўрнатиш масаласига тўхталиб ўтди.

“Давлат раҳбарининг Парламентга мурожаатномасида республика жамоатчилик палатасини ташкил этиш масаласи кўтарилган эди. Бу палатанинг жойлардаги бўлимлари ҳам ташкил этилади. Бу амалиёт ҳар бир ислоҳотнинг ташаббускори жамоатчилик бўлишини кўрсатиб беради. Палатанинг фаолият бошланиши кутиб ўтирмасдан, бу жараёнга кенг жамоатчилик жалб қилинади”, − дейди Сенат раиси.

Норбоевага кўра, ижро органларининг фаолияти устидан назорат олиб боришга нодавлат-нотижорат ташкилотлар, оммавий ахборот воситалари вакиллари, фаол фуқаролик позициясига эга бўлган шахслар жалб қилинади. Улар ижро вакилларининг фаолиятини кузатиб, назорат қилади, керакли таклифларни бериб боради.