Самарқандда декан ўринбосари 4000 доллар билан ушланди
Декан ўринбосари Қозоғистон олий ўқув юртида ўқиётган талабанинг ўқишини Самарқанд иқтисодиёт институтига кўчириш эвазига 4000 доллар олган вақтида ушланган
Бош прокуратура ҳузуридаги Департаментнинг Самарқанд вилояти бошқармаси томонидан вилоят прокуратураси ҳамда ДХХ ходимлари билан ҳамкорликда тезкор тадбир ўтказилган.
Ўзбекистон Республикаси Бош прокуратураси жамоатчилик билан алоқалар ва ҳуқуқий ахборот бўлими бошлиғи Ҳаёт Шамсутдиновнинг хабар беришича, Самарқанд иқтисодиёт институти декан ўринбосари Қозоғистон Республикасининг олий ўқув юртида ўқиётган талабани ўқишини Самарқанд иқтисодиёт институтига кўчириш эвазига 4000 АҚШ долларини олган вақтида ушланган.
Мазкур ҳолат юзасидан Самарқанд иқтисодиёт институти декан ўринбосарига нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Мавзуга оид
16:00 / 04.10.2024
Самарқандда Ўзбекистон ва Қозоғистон ҳудудлар раҳбарлари кенгаши учрашуви бўлиб ўтади
07:15 / 02.10.2024
Самарқанд архитектура-қурилиш университетида ёнғин содир бўлди
07:10 / 02.10.2024
Тел-Авив - Самарқанд - Тошкент авиақатнови мажбурий кечиктирилди
12:40 / 01.10.2024