Эрдўған Туркия ЕИ билан чегарасини ёпмаслигини айтди

Туркия Суриянинг Идлибида вазият кескинлашганидан сўнг мигрантлар ва қочқинлар оқимини тўхтатиб тура олмаслигини билдирди ва ЕИ билан чегараларини очиб юборди. Шундан кейин минглаб мигрантлар Греция чегарасига етиб келди.

Фото: AP Photo / Presidential Press Service

Туркия президенти Ражаб Тоййиб Эрдўған унинг мамлакати суриялик қочқинлар учун ЕИ билан чегарасини ёпмаслигини маълум қилди

"Қўнғироқ қилишяпти ва чегараларни ёпинглар дейишяпти. Энди кеч дедим. Ғарб қочқинлар учун масъулият юкини бўлишиши керак. Бугун Болгария бош вазири билан учрашамиз, эртага Ангела Меркель билан гаплашаман", - деди Эрдўған Анқарадаги чиқишида.

ЕИнинг ташқи чегаралар назорати бўйича Frontex агентлиги Туркиядан қочқинларлар оқими кучайгани сабабли Евроҳамжамият чегараларини ҳимоя қилиш бўйича тайёргарликни юқори даражага кўтарди.

Тайёрлаган Дилшод Аскаров

#Туркия #ЕИ

2019 йил декабрида Сурия армияси Идлибни тўлиқ эгаллаш учун юриш бошлади. Туркия эса Сурия шимолидаги иттифоқчиларини ҳимоя қилиш учун бу ҳудуддаги кузатув постларига минглаб ҳарбийларини жўнатди ва икки томон ўртасида тўқнашувлар рўй бера бошлади.