«Ижтимоий тадбиркорлик тўғрисида»ги қонун лойиҳаси эълон қилинди

Норматив-ҳуқуқий ҳужжатлар лойиҳалари муҳокамаси порталида “Ижтимоий тадбиркорлик тўғрисида”ги қонун лойиҳаси эълон қилинди.

Ижтимоий тадбиркорликнинг асосий принциплари қуйидагилардан иборат:

ижтимоий адолат;

жамият манфаатларининг устуворлиги;

ижтимоий тадбиркорликнинг ихтиёрийлиги.

Ижтимоий тадбиркорлик фаолиятининг мақсадларига қуйидагилар киради:

аҳолининг ижтимоий заиф қатламларини иш ўринлари, ижтимоий товарлар ва ижтимоий хизматлар билан таъминлаш;

аҳолининг ижтимоий заиф қатламларига дори воситалари ёки ижтимоий аҳамиятга эга маҳсулотларини таннархида ёхуд таннархидан паст бўлган нархларда реализация қилиш;

табиий офатлар, фалокатлар, эпидемиялар, эпизоотиялар ва фавқулодда хусусиятга эга бўлган бошқа ҳолатларни бартараф этиш;

бошқа ижтимоий мақсадларни кўзлаган фаолиятни амалга ошириш.

Ижтимоий тадбиркорлик соҳасида давлат сиёсатининг асосий йўналишлари қуйидагилардан иборат:

давлат томонидан ижтимоий тадбиркорлик фаолиятини қўллаб-қувватлаш ва рағбатлантириш;

ижтимоий тадбиркорликнинг ҳуқуқий асосларини яратиш ва такомиллаштириш;

ижтимоий тадбиркорлик соҳасида давлат дастурларини ишлаб чиқиш ва амалга ошириш;

ижтимоий лойиҳалар учун инвестициялар жалб қилишда қулай шарт-шароитлар яратиш.

Юридик шахслар ёки якка тартибдаги тадбиркорлар ижтимоий корхона сифатида қуйидаги мезонлардан бирига ёки бир нечтасига мос келганда, ижтимоий корхоналарнинг реестрига киритилади:

ходимларининг умумий сонида аҳолининг ижтимоий заиф қатламларига мансуб шахслар камида 70 фоизни ташкил этадиган ҳамда аҳолининг ижтимоий заиф қатламларига мансуб шахсларнинг меҳнатига ҳақ тўлаш фонди меҳнатга ҳақ тўлаш умумий фондининг камида 70 фоизини ташкил этадиган юридик шахслар;

ишлаб чиқарадиган товарларини ёки кўрсатадиган хизматларини реализация қилишдан тушган тушум умумий ҳажмининг камида 50 фоизини ижтимоий товарлар реализация қилишдан ёки ижтимоий хизматлар кўрсатишдан тушган тушум ташкил этадиган шахслар;