Исроил бош вазири карантинга кетишга қарор қилди

Исроил бош вазири Биньямин Нетаньяху бир қатор ходимлари билан бирга 30 мартдан карантинга кетди. Бунга унинг маслаҳатчиси Ривка Палухда коронавирус аниқлангани сабаб бўлган.

Фото: Flash90

Бу ҳақда Исроил ОАВ хабар берди.

Нетаньяху ўз ихтиёрига кўра карантинга кетишга қарор қилган ва ҳозирда вирусни аниқлашга топширган таҳлиллари натижаларини кутмоқда. Унгача эса бош вазир ва у билан елкама-елка ишловчи ходимлари карантинда қолади.

Исроил соғлиқни сақлаш вазирлиги кузатув камералари ёрдамида Ривка Палух кимлар билан яна мулоқотда бўлганини аниқламоқчи.

Айни вақтда Исроилда коронавирусга чалинганлар сони 4695 нафарни, вафот этганлар сони 16 нафарни ташкил қилмоқда.

Тайёрлаган Шуҳрат Раҳимов

#Исроил #Биньямин Нетаньяху

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.