«Улар ўз вақтида бонг уришмади»: АҚШ ЖССТни молиялаштириш бўйича баёнот билан чиқади

АҚШ президенти Дональд Трамп Вашингтон кейинги ҳафта Жаҳон соғлиқни сақлаш ташкилотини молялаштириш бўйича баёнот билан чиқишини эълон қилди.

Фото: Reuters/Denis Balibouse

“Бизда келаси ҳафта ЖССТ бўйича эълон бўлади”, деб айтган Трамп матбуот анжуманида.

У АҚШ ЖССТ эҳтиёжлари учун йилига 500 млн доллар ажратишини эслатиб ўтган.

“Биз кейинги ҳафта ЖССТни молиялаштириш ҳақида гаплашамиз. Биз кўп нарса айтмоқчимиз”, деб таъкидлаб ўтган Трамп.

Аввалроқ АҚШ президенти ЖССТ коронавирус билан боғлиқ вазият бўйича муваффақиятсиз қарорлар қабул қилганини ва шу сабабли уни келгусида қандай ҳажмда молиялаштиришни ўйлаётганини айтган.

“ЖССТ АҚШдан катта пул олади”, деб эслатиб ўтган Трамп. Унинг таъкидлашича, ЖССТ вирус тарқалиши олдини олиш учун Хитой билан чегаралар ёпилишига норози бўлиб янглишган. “Улар кўп масалалар бўйича хато қилишган, кўринишича, улар Хитойни қўллаб-қувватловчи позицияни эгаллашган”, деб айтган АҚШ президенти.

“Улар ўз вақтида бонг уришмади. Эҳтимол, улар бир неча ой олдинроқ ҳаракатни бошлашлари керак эди”, деб қўшимча қилган Трамп.

Шу сабабли, АҚШ “ЖССТга нима учун пул тўлаётганини” тафтиш қилмоқчи. Трампнинг таъкидлашича, у ЖССТ фаолиятини молиялаштиришни тўхтатмоқчи.

Тайёрлаган Шуҳрат Раҳимов

#АҚШ #ЖССТ

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.