«2020 йил 12 апрель соат 15:30 ҳолатига кўра, Ўзбекистонда коронавирус инфекцияси қайд этилганлар сони 833 нафарни ташкил қилмоқда», дейилади вазирлик хабарида.
Давлат бош санитария инспектори Нурмат Отабековнинг маълумотига кўра, жами беморларнинг 29 нафарида пневмония кузатилмоқда, 12 беморнинг аҳволи оғир.
Ўзбекистонда коронавирусдан зарарланишнинг илк ҳолати 15 март куни тасдиқланганди. Апрель ойида вирус беморлари сони жиддий ўса бошлади. Шу вақтгча кунлик ўсишнинг энг юқори кўрсаткичи 6 апрелда қайд этилганди - 115 ҳолат. 11 апрель куни ҳам 98 кишида вирус аниқланганди.
12 апрель куни ҳозирча беморлар сони 66 нафарга ошди.
Шу вақтгача беморларнинг 42 нафари соғайган, 4 киши вафот этган.
