Трамп Путин ва қирол Салмонга раҳмат айтди
АҚШ президенти Дональд Трамп Россия президенти Владимир Путин ҳамда Саудия қироли Салмон Ол Саудга миннатдорчилик билдирди.
Бу ҳақда президент твиттердаги саҳифасида ёзди.
«ОПЕК+ томонидан катта нефть келишуви амалга оширилди. Бу юз минглаб энергетика соҳасида фаолият юритаётган америкаликларга ишларини сақлаб қолиш имконини берди. Бу борада Россия президенти жаноб Путин ва Саудия Арабистони қироли жаноб Салмонга миннатдорчилик билдираман. Ҳозиргина Овал кабинетда улар билан гаплашдим. Бу ҳамма учун яхши келишув бўлди», деб ёзди Трамп.
9 апрель куни ОПЕК+ давлатлари 10 соат давомида нефть қазиб олиш ҳажмини камайтириш бўйича музокара олиб борган, аммо якуний тўхтамга келишмаганди. ВВС`га кўра, бугун давом эттирилган видеомулоқот форматидаги музокараларда ОПЕК+ давлатлари кунлик нефть қазиб олиш ҳажмини 9,7 миллион баррелга қисқартиришга келишган. Баъзи манбалар ОПЕК+ давлатлари кунлик нефть қазиш ҳажмини 12,5 миллион баррелгача қисқартириш бўйича келишганини ёзмоқда.
Кремль расмий сайтида ҳам Владимир Путиннинг АҚШ президенти билан телефонда суҳбатлашгани тасдиқланган. Шунингдек, Путин Саудия қироли билан гаплашгани ҳам хабар қилинган.
Мавзуга оид
23:50 / 30.09.2024
Путин ва унинг администрацияси харажатлари 25 фоизга ошади
23:02 / 25.09.2024
Путин: «Бизга оддий қурол билан ҳужум ҳам ядро зарбасига асос бўлади»
19:43 / 25.09.2024
Россиялик мулозимлар ва The Washington Post таҳлилчилари Кремлнинг ядровий таҳдидлари «энди ҳеч кимни қўрқитмайди» дейишмоқда
23:20 / 23.09.2024