Экспертлар коронавирус пандемияси қанча вақт давом этишини айтишди

Тадқиқот муаллифларининг қайд этишича, инкубацион даври узоқлиги ва симптомсиз хусусиятлари боис "COVID-19 гриппдан кўра тезроқ тарқалади".

Фото: REUTERS

COVID-19 пандемияси икки йил давом этиши мумкин, деб ҳисобламоқда Миннесота университети қошидаги юқумли касалликларни ўрганиш маркази экспертлари.

"Охирги пандемиялардан келиб чиқиб, ушбу пандемия 18 ойдан 24 ойгача давом этиши мумкинлигини айтиш мумкин. У аҳолининг 60-70 фоизи иммунитетга эга бўлмагунича тўхтамайди", - дейилади марказ сайтида.

"Пандемия якунланиши учун жуда кўплаб одамлар бу касалликка чалиниши ва иммунитет ҳосил қилиши керак", - дейилади муаллифлар томонидан.

ЖССТнинг маълум қилишича, бутун дунё бўйича коронавирус юқтирганлар сони 3,1 миллионга етган, 217 мингдан ортиқ киши вафот этган.

#коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.