Навоийда 23 кунлик чақалоқ одам савдоси қурбони бўлди

Ҳолат юзасидан Жиноят кодексининг 135-моддаси 3-қисми “а” банди билан жиноят иши қўзғатилган.

2020 йилнинг 3 июнь куни соат тахминан 15:30ларда, Самарқанд вилояти Пахтачи туманида яшовчи фуқаро, 22 ёшли Н.Ё. ўзининг 11 май куни туғилган 23 кунлик чақалоқ фарзандини қонунга хилоф равишда Навоий шаҳрида яшовчи фуқаро Н.И.га 3.000.000 сўмга сотишга келишган.

Ўзбекистон Республикаси ИИВ ҳузуридаги Тергов департаменти хабарига кўра, Н.Ё. чақалоғини сотиб, ушбу келишилган пулларни Навоий шаҳридаги “Навоий” жоме масжиди ёнида олган вақтида, ўтказилган тезкор тадбир натижасида ашёвий далиллар билан ушланган.

Мазкур ҳолат юзасидан Навоий шаҳри бўйича ИИО ФМБ 3-сонли ИИБ ҳузуридаги Тергов гуруҳи томонидан Н.Ё.га нисбатан Ўзбекистон Республикаси Жиноят кодексининг 135-моддаси 3-қисми “а” банди (одам савдоси) билан жиноят иши қўзғатилган.

Ҳозирда дастлабки тергов ҳаракатлари олиб борилмоқда.