«Ўзэкспомарказ» ва Зангиотадаги шифохоналарга тиббиёт ходимлари ва кўнгиллилар ишга таклиф этилади

Шаҳар ҳокимлиги томонидан мазкур янги қувватни ишга тушириш учун тиббиёт ходимлари ишга жалб қилиниши маълум қилинган.

Иш 15 кунлик навбатчилик тартибида ташкил қилинади ҳамда ходимларга қуйидаги умумий ҳисобдан:

• врачларга 15 000 000 сўм;
• ҳамшираларга 10 000 000 сўм;
• кичик тиббиёт ходимларига 5 000 000 сўм;
• кўнгиллиларга 5 000 000 сўм иш ҳақи тўланади.

Иш вақти 12 соатдан иборат булиб, 8 соат иш, 4 соат дам олиш вақти кўзда тутилган. Тиббиёт ходимлари тиббий ҳимоя воситалари билан таъминланади. Ходимларга ётоқхона ва овқатланиш тўлиқ ташкил қилингани ҳолда, маошлари ҳар куни тўлаб борилади.

Мурожаат учун телефонлар: 71 210 02 02, 71 210 02 31

Шунингдек, Соғлиқни сақлаш вазирлиги Тошкент вилояти Зангиота тумани «Ихтисослаштирилган кўп тармоқли юқумли касалликлар шифохонаси»га қуйидаги мутахассисликлар бўйича ишга таклиф этади.

Шифокорлар:

• Анестезиолог-реаниматолог;
• инфекционист;
• эпидемиолог;
• врач-лаборант;
• врач-рентгенолог ва бошқа барча мутахассисликлар бўйича шифокорлар.

Ҳамширалар:

• Реанимация ҳамшираси;
• палата ҳамшираси ва бошқа барча йўналишлар бўйича ўрта тиббиёт ходимлари;
• кичик тиббиёт ходимлари.

14 кунлик иш фаолияти учун иш ҳақи жойида берилади. Мурожаат учун Соғлиқни сақлаш вазирлигининг Ходимлар бўлимига мурожаат қилиш мумкин.

Мурожаат учун телефонлар:

71/241-12-02, 71/241-18-70, 71/241-54-54

Бундан аввалроқ, Тошкент шаҳрининг уч ҳудудида, жумладан, «Ўзэкспомарказ»да коронавирусга чалингани гумон қилинаётган беморларни текшириш ва таҳлилдан ўтказиш учун махсус 500 ўринли Тақсимлаш маркази ташкил этилгани хабар қилинганди.