Аргентина президенти Мессига мурожаат қилди

Аргентина президенти Альберто Фернандес «Барселона» ҳужумчиси Лионель Мессига мурожаат билан чиқди.

Фото: Getty Images

«Сиз ҳар биримизнинг қалбимиздасиз. Бироқ сизни ўз ватанингизда тўп суришингизни кўриш бахтидан тобора узоқлашаётгандекмиз. Бизга ўйинингиздан роҳатланиш бахтини тақдим этинг ва «Ньюэллс Олд Бойз» клубимизга ўтинг. Бу сизнинг клубингиздир», — дея мамлакат раҳбарининг сўзларини келтиради Marca.

Эслатиб ўтамиз, Месси «Барселона»ни тарк этиш ҳақидаги қарорини клуб раҳбариятига маълум қилган. Хабарларга кўра, аргентиналик 33 ёшли футболчига «Манчестер Сити» клуби асосий даъвогар саналмоқда.

Аввалроқ, «Манчестер Сити» бош мураббийи Хосеп Гвардиола Месси билан учрашиш учун Барселонада эканлиги ҳақида хабар берилганди. Бугун, 30 август куни Месси клубнинг белгиланган тиббий кўригига ташриф буюрмаган.

Тайёрлаган: Усмон Ибодов

#Аргентина #Лионель Месси