Қўшимча функционаллар
-
Тунги кўриниш
Исроил дунёда биринчи бўлиб қайтадан карантин жорий этди
Умуммиллий карантинга риоя этилишини назорат қилиш учун минглаб полициячилар жалб этилди.
Исроилда коронавирус тарқалиши авж олаётганлиги сабабли такрорий карантин кучга кирди. Чекловлар уч ҳафтага жорий этилди ҳамда вазиятдан келиб чиқиб узайтирилиши мумкин.
Аҳолига меҳмонга бориш, пляжларда ҳордиқ чиқариш, ёпиқ биноларда ўндан ва очиқ жойларда йигирма кишидан ортиқ гуруҳ бўлиб тўпланиш тақиқланди. Жамоат транспорти ва корхоналар чекловлар билан ишлайди. Таълим ва кўнгилочар муассасалар, қаҳвахоналар, ресторанлар ва спорт клублари, савдо марказлари, сартарошхона ва гўзаллик салонлари ёпилди.
Умуммиллий карантинга риоя этилишини назорат қилиш учун минглаб полициячилар жалб этилди. Асосий эътибор тушунтириш ишларига қаратилади, аммо “ҳаддан ошишлар” учун жарималар жорий этилган.
Исроил тўрт ойлик одатий ҳаётдан кейин такроран умуммиллий карантин эълон қилган биринчи давлат бўлди. Мамлакатда май ойида чекловлар бекор қилинганди.
17 сентябрь куни Исроилда бир суткада қарийб 6 минг кишида коронавирус аниқланган. Эпидемия бошланганидан буён мамлакатда 1169 киши вафот этган.
Коронавирус
