Кувайт вазирлар маҳкамаси тўлиқ таркибда истеъфо берди. Бу ҳақда Asharq Al-Awsat нашри хабар бермоқда.
Хабарда айтилишича, Кувайт амири шайх Навоф ал-Аҳмад ал-Жобир ас-Сабоҳ "янги маҳкама шакллангунига қадар ҳукумат ўз вазифасини бажаришига ишонч билдирган".
Ҳукумат истеъфоси мамлакатнинг аввалги ҳукмдори шайх Сабоҳ ал-Аҳмад ал-Жобир ас-Сабоҳнинг ўлимидан бир ҳафта ўтиб юз берди.
83 ёшли шайх Навоф ал-Аҳмад ал-Жобир ас-Сабоҳ 30 сентябрь куни қасамёд қилиб, мамлакатнинг янги амирига айланди.
