Миллий масс-медиани қўллаб-қувватлаш ва ривожлантириш жамоат фонди Медиа ва коммуникация мактаби лойиҳаси доирасида матбуот котибларининг малакасини ошириш курсларига қабул эълон қилди.
Курслар 22–24 октябрь кунлари ташкил этилади ва ўзбек тилида олиб борилади.
Матбуот котиблари 19 октябрь соат 12:00гача қуйидаги ҳавола орқали рўйхатдан ўтишлари мумкин. Ўринлар сони чекланган.
Номзодларга қўйиладиган талаблар:
- камида бир йил давомида матбуот котиби сифатида ишлаганлик тажрибаси;
- пресс-релиз ва бошқа матбуот материалларини ёзиш техникаси ва усулларини билиш;
- интервью, матбуот анжуманлари ва брифингларни ташкил этиш ва ўтказиш қоидаларини билиш;
- интернет тармоғида ишлаш, мультимедиа ускуналаридан фойдаланиш кўникмалари.
Курс дастури:
• PR – пайдо бўлишидан ҳозирги вақтдаги ролигача;
• Мақсадли аудитория ва у билан ишлаш усуллари;
• PR – коммуникация: турлари ва динамикаси;
• Медиарилейшнз: журналистларга ёндашув топишнинг усуллари;
• Пиарматн ва унинг хусусиятлари;
• Матбуот анжумани: назария. Ноқулай саволларга жавоб бериш усуллари;
• Фейкларни аниқлаш усуллари;
• Инфосабаб, сторителлинг, паблицит капитал;
• Фрейминг ва рефрейминг;
• Камера тўғрисида гапиришнинг сирлари;
• PR стратегия;
• Инқирозли вазиятни қандай бошқариш мумкин;
• Инқирозга қарши PR;
• Бошқа масалалар.
Курслар ўзлаштирилган кўникмаларни амалда мустаҳкамлаш билан олиб борилувчи интерфаол машғулотларни ҳам ўз ичига олади.
Курсда қатнашиш учун танлаб олинган номзодларнинг электрон почта манзилига индивидуал хабар юборилади.
