Қўшимча функционаллар
-
Тунги кўриниш
Эрдўған Туркия Қримни Россия ҳудуди сифатида тан олмаслигини айтди
Туркия президенти Ражаб Тоййиб Эрдўған Анқара Қримни Россия ҳудуди сифатида тан олмаслигини ва Украинанинг ҳудудий яхлитлигини қўллаб-қувватлашини айтди.
Фото: Anadolu Agency
Эрдўған Туркияга ташриф буюрган Украина президенти Владимир Зеленский билан қўшма матбуот анжуманида шундай баёнот берган.
“Туркия Украинани минтақамиз барқарорлиги ва хавфсизлигини таъминлаш нуқтаи назаридан асосий мамлакат деб билади. Шунинг учун биз доимо Украинанинг ҳудудий яхлитлиги ва суверенитетини қўллаб-қувватлаймиз”, дея таъкидлаган Эрдўған.
Туркия раҳбарининг қўшимча қилишича, Анқара яриморолнинг “қўшиб олинишини” тан олмайди ва Украина билан биргаликда “Қрим татарларини қўллаб-қувватлайди”.
Ўз навбатида, Зеленский Эрдўғанга яриморолни Украинага қайтаришга қаратилган Қрим платформаси лойиҳасида иштирок этишга тайёрлиги учун миннатдорлик билдирган.
Мавзуга оид
16:43 / 06.11.2024
Эрдўған туркийзабон давлатларни умумий алифбога ўтишга чақирди
21:46 / 30.10.2024
Эрдўған курдларни «Туркия асрини» биргаликда қуришга чақирди
00:08 / 30.10.2024
Туркия ташқи таҳдидларнинг олдини олиш учун янги ҳарбий платформалар яратади
11:30 / 26.10.2024